Filed Under (فضفضة) by حسام ابو تريكة on 28-11-2008
تعالوا الاول نعرف الفرق بينهم و بعد كده نشوف
اول حاجه :
العالم
و ده الكلام اللى بيقوله تقدر تجربه ف المعمل و تثبته يعنى علم بالتجربه و البرهان
لكن
المفكر :
ده واحد بيفكر و يقول كلام من خلاصه تفكيره و ليك الحق ان تقتنع بيه او لا و مينفعش تجربه لانه ببساطة تجربه اللى قاله فى حياته و خلاصه افكاره ..
دلوقتى تقدر تفكر انت مين
ممكن متكونش عالم او مفكر ممكن تكون انسان مستقبل فقط من العالم و المفكر .. يعنى انسان عادى
-
-
-
عايز افضفض و احكى و اقول
ينفع الانسان يعيش من غير حب
يمكن ينفع لو ما قبلوش
لكن لو قابله و الموضوع مكملش
يحصل ايه لل بنى آدم ده
يعنى يعرف يعيش عادى
و ممكن يحب حد يكون بيحبه
او حتى يحب من جديد
و لا حياته وقفت .. جايز
بص مش على طول
خليك باصص قدام
الحياة متقفش ف نقطة
لسه ايام و كتير
هتشوف و تعيش و تقابل
ناس و افكار و فرص
حياة مليانة زحام
كل يوم فى جديد
فكر بس و انت سعيد
فرحان بالامل و الحياة
جايز تكون مليانه آلم
بس طعمها ايه لو باقيه مريحه
لازم تتعب شوية و تشتغل كتير
هنعيشها و ياما هنشوف منها
و زى ما هى تكون
مش هناخد غير نصيبنا
كل يوم .. كل يوم
عيش بجديد
مليان
امل .. و حب .. و ابتسامة 
Filed Under (فضفضة) by حسام ابو تريكة on 26-11-2008
مش عارف عايز افضفض معاكوا و لا حتى مع نفسى
بجد عمرك فكرت فى لعبه و مشيت فيها و لقيتها قلبت بجد
الحكاية مش لعبه و انت صغير زى ما تكون بترن الجرس و تجربى و لا تتصل بالتليفون و تقفل
لا لا خالص
اللعبه اكبر يعنى لو فكرت مثلا تعمل جريمة بحيث انك بتهزر ايو بتهزر مع واحد صاحبك بتلعب معاه
و قلبت جد
عيل صغير عمل صوابعه قال ايه مسدس و قال لصاحبه طراخ طراخ
اما صاحبه صدق وساق له فيها و عمل ميت و اهله قاله ده طخه طخ
الموضوع مش ان احنا نبطل لعب ولا كل اللعب بتتفشكل الفكرة ان الواحد بيكون مخطط لحد معين للعبه بس لو اتحقق بعد اللى انت مخطط له هتعمل ايه …. عندك خطة بديلة
كلمة قالها الراحل احمد زكى ف فيلم السادات
لو حلمت متحلمش اوى عشان ممكن حلمك يتحقق
ساعتها مش هتبقى عارف
ماذا بعد تحقيق حلمك
و اهى لعبه و قلبت بجد
فى حاجه يا جماعة صحيح بتفرج عليها على اليو تيوب
برنامج حيلهم بينهم بتاع المذيع الغلس ده مش عارف فى حاجه الواد ده المفروض يعملها يعنى انت مفروض تكون بارد بس شيك يعنى مينفعش عشان تحرق دم ضيفك يكون قاعد يشتمك و يبهدل بكرامتك الارض و انت قاعد زى الكرسى قدامه و راسم وش البرود عشان تحرق دمه يعنى و خصوصا انه مثل بعد كده يعنى كان يعتبر ان ده دور
مش عارف مجرد رأى .. كان ممكن يبقى بارد و فى نفس الوقت محترم جدا يبقى ضيفه فى احراج اكتر و مش عارف يعمل ايه مع البعيد البارد اللى قدامه ده لول
حاجه تانية
اعلان فيلم العيد
اعلان فيلم الوعد يعنى اعلان اعتقد ان مخرجه عرف يحط لقطات تشد كويس و خصوصا ان بطله مش معروف لسه
تقريبا كان الواد اللى طلع قدام احمد السقا ف الجزيرة المهم شكله فيلم حلو و الله اعلم
و دلوقتى خلصت فضفضة اشوفكم بخير
يالا باى
فى رعاية الله
Filed Under (learn php) by حسام ابو تريكة on 26-11-2008
طبعا احنا ملحقناش و لقيتونى اخذت راحه من الكورس
بس يا ناس الموضوع مش صعب بس احنا عرفنا ف البداية الطريق و ان اننا نبدء ازاى
و بعدها ان شاء الله هيكون فى مشروع و هنعمله خطوة خطوة
ربنا يسهل
Filed Under (learn php) by حسام ابو تريكة on 19-11-2008
اول حاجه لازم الواحد يكون عنده خلفيه ب html & css
و عمل بيهم صفحات او مشروع صغير عشان كود ال php بيتكتب داخل ال html
اول برنامج
try it out
<HTML>
<HEAD>
<TITLE>My First PHP Program</TITLE>
</HEAD>
<BODY>
<?php
echo “<h1>I’m a lumberjack.</h1>”;
echo “<h2>And I’m okay.</font>”;
?>
</BODY>
</HTML>
طيب بعد ما نقرأ و نجرب الكلام ده هنبدء مع بعض من الكتاب اللى موجود فى الموضوع الاول و نبدء فيه مع بعض باذن الله
لحد ما نعمل المشروع و نكون فى بداية الطريق لمطور ويب باستخدام php
و للحديث بقية مادام فى العمر بقية …
Filed Under (learn php) by حسام ابو تريكة on 19-11-2008
بسم الله
فى البداية هنتكلم عامة و نقول بعض المواقع التعليمية و بعض الكتب و ربنا يسهل تكون بداية موفقة لكل واحد عايز يبدء
اولا
هنتعرف على السيرفر الشخصى /localhost
و هنلاقى شرح عنه فى الرابط ده
http://www.traidnt.net/vb/showthread.php?t=51456
و هتلاقى عليه شرح بالتفصيل و بالصور و شرح برده لتسطيب نسخة منتدى كمان
المهم و من الرابط ده هتحمل نسخة البرنامج
http://sourceforge.net/project/downloading.php?groupname=appserv&filename=appserv-win32-2.4.4a.exe&use_mirror=heanet
و دلوقتى هنقول على بعض المواقع اللى ممكن تقرا فيها عن ال php
http://prog.arccn.net/modules.php?name=Topics
http://www.w3schools.com/php/default.asp
الموقعين دول يعنى من السهل انك تقرا و تتطبق معاهم عادى و طبعا فى برامج لكتابة الكود بس مش مشكلة دلوقتى
ممكن نكتب فى notepad
و دلوقتى فى كتب تعليمية
http://www.4shared.com/file/36070922/dd6c549d/How_to_Do_Everything_with_PHP_and_MySQL_-_McGraw_Hill.html
المهم ده البداية و ربنا يسهل ان شاء الله فى اللى جاى
و للحديت بقية مادام ف العمر بقية …
Filed Under (مع نفسى) by حسام ابو تريكة on 18-11-2008
الفرحة حلوة اكيد من كتر البرامج و الكلام عن انجاز الاهلى قلت اما نتفرج على برنامج انهارده يمكن يغلطوا و يقولوا المرة السابعة مش السادسة
جيل جميل من اللعيبة ” عقبال الزمالك ” بس جيل ابو تريكة و بركات و لا المجرى مصطفى عبده و الخطيب و ابو زيد
و لا جيل حسام و ابراهيم و شوبير
الفريق الوحيد ف العالم اللى بيقارنوا بين اجياله على مدار تاريخه و كل جيل حقق اد ايه انجازات
فى حلاوة كده يا جدعان الجيل ده 4 مرات متتاليه وصول لنهائى افريقيا
بس جيل الخطيب كان من سنة 82 لحد 87 يعنى 5 مرات نهائى اتنين ابطال الدورى و خدوا منها مرة و 3 ابطال الكأس و خدوها ال 3 يعنى الجيل ده فاضلوا واحده عشان يتساوى معاهم لسه افضل جيل من وجهه نظرى و من كل الوجوه
الخطيب يمسك ايد شحاته و يروح يحييى الجمهور المصرى فى حلاوة اكتر من كده
فى انتماء فى حب و رجولة فى الاداء
ابو تريكة حكاية فعلا للجيل ده و علامة خاصة جدا هبطل تشجيع فعلا لما يبطل كورة ببساطة
بحبك يا ابو تريكة
Filed Under (ادعية و روحنيات) by حسام ابو تريكة on 14-11-2008
سلام عليكم
عايز اتكلم هنا ف البوست ده عن حاجه بجد هدية من ربنا
فكرت تصلى ركعتين استخارة لربنا و ترضى بعد كده بحكمه او حكمته بالاشارة اللى هدلك على الطريق
اكيد كلنا صلنها و يمكن فى ناس مسمعتش عنها بس الفكرة هنا المواظبة على الموضع ده
يعنى فى كل امورك ده حتى فى موقف كان مدير القسم بيقولى هتنزل شيفت امتى قلتله اصبر عليا ارد عليك بكره بعد ما اعمل استخارة طبعا هو قعد يضحك يالا مش موضوعنا
بس الفكرة انك لما تكون محتار فكر فيها على طول هدية بجد جميله جدا
يا جماعة ربنا بيحب ان احنا نكون عبيده محتاجين له نقوله و نطلب منه و نسأله فى امور حياتنا نستخيره هو اعلم منا بينا
هو الخالق اليس الخالق ادرى بخلقه
دعاء الاستخارة يا جماعة ببساطة بعد ما نصلى ركعتين و تختم الصلاة و انت قاعد قعده التشهد تدعى
“اللهم انى استخيرك بعلمك و استقدرك بقدرتك و اسالك من فضلك العظيم فانك تقدر ولا اقدر و تعلم و لا اعلم و انت علام الغيوب اللهم ان كنت تعلم ان هذا الامر خير لى فى دينى و معاشى و عاقبه امرى او قال عاجل امرى و اجله فاقدرة لى و يسره لى ثم بارك لى فيه و ان كنت تعلم ان هذا الامر شر لى فى دينى و معاشى و عاقبة امرى او قال عاجل امرى و اجله فاصرفه عنى و اقدر لى الخير حيث كان ثم رضنى به و يسمى حاجته “
Filed Under (مصرى) by حسام ابو تريكة on 11-11-2008
اولا لو سالتك انت مصرى هتقولى ايه
طبعا مش هتعبرنى
لكن لو البنوتة نانسى سالتك طبعا هترد و انت فاتح بقك مزبهل و يالا حصل خير
بس بجد عمرك حسيت بفخر انك مصرى و تقولها كده فى نفسك و انت فخورا بجد
الولد الوزير محمود محى الدين “وزير الاستثمار” الجدع ده دماغه حلوة و تعليمه امريكانى بس مش شرط لانه عقل مصرى برده يعنى مش عايزين نقول كلام و السلام المهم عايز ادخل فى الموضوع احنا ملكية عامة يا مصريييييييييييييييييييين
الله يخرب عقلك يا هانى يا رمزى عمال يلهط فى الجمبرى و يقول انا م م ع ولا مش فاكر كان بيقولها ايه
الواد الوزير ده جاب مشروع او فكرة و مصره زى الافلام كده برضه المهم الفكرة معموله قبل كده بس هما دلوقتى حابين يجربوها عندنا و هى باختصار مشروع الصك ” المجانى ” و لنا وقفة فى حكاية المجانى ديه ..
المهم لكل مصرى يبلغ من العمر 21 عام او يزيد له حق فى المال العام ده كلام الدستور و الان عاملين مشروع قرار لمجلس الشعب و الشورى عشان يطبقوه قانون ف البلد
باختصار ان كل واحد مصرى من البلد ديه بره او جوه مصر عمره 21 او يزيد له حق عبارة عن صك عباره عن مجموعة اسهم من مجموعة الشركات المصرية الحكومية اللى عددها حوالى 153 شركة بنسب مختلفة على اربع تقسيمات واحده منهم بره التوزيعة و الباقى جوها بنسب مختلفة يعنى 51 للحكومة و الباقى للمصريين دى مجموعة و التانية 70 للحكومة و الباقى للمصريين و التالتة 30 للحكومة و الباقى للمصريين و النسب ديه كلها هتتضرب مع بعض و تتوزع بالتساوى على المصريين اللى ينطبق عليهم شرط السن شرط انهم يتقدموا خلال عام واحد من اعلان القانون بطلب حقهم ف الصك و اللى مش عايزه او راحت عليه و فاتت السنة الصك هيروح ل صندوق الاجيال القادمة
و تقسيمة الصك هيكون لكل مصرى زى التانى بالظبط مفيش كوسة فى الصكوك يا مصريين
انت هتبقى مالك فى الشركة اللى انت بتشتغل فيها بذمتك هتشتغل بضمير و لا هتقول و انا مالى
الموضوع اكبر من العائد الشهرى سواء 300 او 500 او الله اعلم هيكون كام
ربنا معانا تفائلوا خير ان شاء الله