انا .. و انت .. و الايام … لسه الحياة قدامكن رجلا بالف رجل .. فان لم تستطع فكن رجلا … حسام ابو تريكة

قال الله عز و جل  ” أقرء باسم ربك الذى خلق ”

هل ادركنا المعنى حقا .. نعم ان العلم ركن اساسى فى ديننا الحنيف و حياتنا عامة

الادراك ان تلاحظ افكارك و الافكار تعبر عنها سلوكك و السلوك يعبر عنه نتائجك

اذا لنعدل ادراكنا و بالتالى تتغير نتائجنا

و هناك قول لفضيلة الشيخ محمد متولى الشعراوى عن الادراك و هو

” شىء انت لم تدركه ليس معناه انه ليس موجود فى الادراك ”

عودنا بعد فترة قصيرة من البعد لاسباب عدة منها ان الانترنت كان به مشكلة بمصر و يبدو  ان المختصين لابد ان يمروا يالمشكلة اكثر من مرة ليجدوا لها الحل !!

و ايضا بسبب انشغالى بكورس رائع جدا … كله Power

و الحمد لله عودنا و السنة بتودع بكل احداثها و تفاصيلها المتعاقبة

وان شاء الله السنة الجديدة تكون خير و سعادة و تعاون و اتحاد و اتفاق و تفاهم و سلام

عايز اقول رباعية اختم بيها

انا شاب لكن عمرى الف عام

وحيد لكن بين ضلوعى زحام

خايف لكن خوفى منى انا

اخرس لكن قلبى مليان كلام

و عجبى

و من قلبى بقولكم

بحبكوا فى الله

الانسان تقيل مهما كان خفيف برده تقيل

محدش بيستحمله ولا حتى كرسيه

بيتكسر و يقع من عليه الانسان او مع مرور الزمن بيهبط و يبقى عايز يتنجد لا مش الكرسى الانسان

صحيح هو ليه اسمه انسان ولا بنى آدم طبعا بنى آدم لانه ابنه ولده من نسله لكنه انسان هى الكمله مشتقه من النسيان

بس معناها هبحث و اقولكوا ان شاء الله

المهم كنت عايز اكتب حاجات كتير و راحت عن بالى

اه احداث كتير اوى حصلت الكام يوم اللى فاتوا حبيت اتكلم عنها

طبعا الراجل النكته بوش راجل محبوب جدا و ده موقع عاجبنى اوى فيه الجزمـــة بس تحفه و هتشبعوا لما تستكفوا

يالا عشان تبقى ذكرى قبل ما يمشى

طبعا فى ماتش و حصل خير ان شاء الله و عدى و الناس مش عارف ليه جاتلها صدمة

يعنى بذمتكوا انتوا نمتوا و حلمتوا ان الاهلى بيلعب من المان يونايتيد فى النهائى زى ما يكون هو رايح عشان يلعب الماتش ده

ده حتى بطل اوربا مش هيلعب النهائى على طول و لا على عرض لا لازم يلعب ماتش قبل النهائى الاول و ممكن يخسر تصدقوا بقى :)  يعنى المكسب و الخسارة امر طبيعى اللى مش طبيعى انك تلعب بروح انهزاميه او متلعبش و تسلم من اولها زى ولا بلاش… انتوا فاهمين طبعا !

الناس اتصدمت عادى غير الموضوع بس فرحت بقى مش عارف بس بجد عايز اقول حاجه

الناس اللى فرحت فى فرقه تانيه بتصعب عليا و علينا كل مصر يعنى عشان بقت ملطشه و بتتغلب من طوب الارض و خايف اوى لحسن تهبط السنة دى للدرجه بالا وكسه ع الدورى التعبان اللى مخرج بطل افريقيا للعالميه

عايز اغنى

حبيبى واخد باله” من ايه يا ترى ”

كل الستات جياله” يا سلام هو فاتح فرن بلدى و لا ايه ”

ده كل يوم مع واحده ” اكيد بيجبلها العيش ”

و مش واخد باله منى خالص” يا عينى يا بنتى نفسك فى رغيفين ”

حبيبى طالع فيها ” اليط يعنى ”

و انا مبجيش فى باله ” ولا حتى برغيف ”

و بيحب كل يوم واحده

حب ايه ده يا حبيبى 

-

-

-

يالا اسيبكم فى رعاية الرحمن

بسم الله الرحمن الرحيم

إن الله لا يغير ما بقوم حتى يغيروا ما بانفسهم

صدق الله العظيم

قالوا ايضا

أن الاحاسيس تسبب ما يسمى ب ” الهجوم او الهروب ” Fight Or Flight

—

إن التخيل اقوى من المعرفة لانه يتجول بك عبر الماضى و المستقبل فى حين ان المعرفة تنبع من معلوماتك المستقاة من الماضى فقط … جورج برنارد شو

–

” كن التغيير الذى تريد ان تراه فى العالم “ غاندى

–

فى بعض الاحيان ستسامح و سينكر الناس ذلك سامح على كل حال

و فى بعض الاحيان ستعطى و سينكر الناس اعط على كل حال

و فى بعض الاحيان ستحب الناس و سيكرهونك أحب على كل حال

لان ذلك بينك و بين الله

——————————–الام تريزا

لولا وجود عكس للمعنى ..

لما كان للمعنى معنى ..

كلها مقتطفات من كتاب كيف تتحكم فى شعورك و احاسيسك لدكتور ابراهيم الفقى ..

و دلوقتى عايز احكى حكاية

لو انت ماشى فى الشارع و لقيت واحد وقف و بصلك فى وشك و فى عينك و قالك يا مجنون

يا مجنون 

ايه رد فعلك هتقول ايه فى نفسك او بصوت عالى او هترد عليه ازاى ؟

الفكرة ببساطة من السطرين اللى فاتوا دول ان الواحد هو اللى بيتحكم فى ايه تحس بيه و تشعر بيه من خلال ادراكك للموقف اللى انت فيه يعنى لو ببساطة انت ربطت ان مديرك قالك من كام يوم برده على موقف انت مجنون اكيد مجنون هتقول انه اكيد عرف من خلال المدير او اى طريقة تانية و كشفك

و تمشى تبص وراك و تلف حوالين نفسك عشان تثبت جنانك كل ده من خلال ادراكك للموقف و برمجتك ليه و ربطه باحساسك و مشاعرك يعنى لو واحد تانى مش انت يا مجنون لا واحد عاقل

قال لنفسه ربنا يشفى اكيد هو حاسس بشىء خليه يمشى يقول للناس كده و بعدها ركزت فى هدفك اللى انت خارج علشانه و رايح له هتكمل طريقك و خلاص

ببساطه من خلال ادراكك للموقف تقدر تتحكم فى مشاعرك و احاسيسك و تقدر تقلل من المشاعر السلبية اللى ممكن تتخزن جو عقلك و بالتالى تسببلك امراض كتير اولها الجنان

و عايز اقولكو حاجه حلوة عشان العقل البشرى بيبنى موقفه على آخر تجربة له

بالصبر ة التوكل على الله تستطيع تحقيق اهجافك تقبل نفسك تماما مهما كانت التحديات و الظروف

و مهما كان راى الناس و المؤثرات الخارجية تقبل نفسك ..

كون لنفسك صورة ذاتية داخلية و انت تحقق اهدافك متزنا و كن واثقا بنفسك و بقدراتك اللامحدودة و تعلم الاستراتيجيات التى تعينك على استخدام قدراتك و بهذا يقوى اعتقادك فى قدراتك و امكانياتك و افكارك و اهدافك حتى يتملكك الشعور بانك تستحق ان تحقق اهدافك فقد اجتهدت و ثابرت و عقدت عزمك على النجاح وجه كل طاقتك الى الله سبحانه و تعالى و احبه و عظمه و استعن به و توكل عليه و اخلص عملك و اتقنه تسعد فى دنياك و آخرتك

و تذكر دائما ..

عش كل لحظة و كانها آخر لحظة فى حياتك عش بحبك و ارتباطك ب الله عز وجل

عش بالتطبع باخلاق الرسول عليه الصلاة و السلام

عش بالامل

عش بالكفاح و الاقدام و الصبر

و عش بالحب

و قدر قيمة الحياة

و للحديث بقية ما دام فى العمر بقية ..

ماااااااااااااااء

كل سنة و انتوا طيبين

مااااااااااااااااااء

و عقبال السنة الجاية نكون على عرفات الله

مااااااااااااااااااااااء

و السنة دى نصوم يوم عرفه و ربنا يكرمنا و يغفرلنا سنة ماضية و سنة قادمة

ماااااااااااااااااااااء

لبيك اللهم لبيك

لبيك لا شريك لك لبيك

ان الحمد و النعمة لك و الملك

لا شريك لك لبيك

دعاء لمرة واحدة بالعمر

روي عن رسول الله (صلى الله عليه واله وسلم) مضمون الحديث

انه قال: من قرأ الدعاء في أي وقت فكأنه

حج 360 حجة

وختم 360 ختمه

وأعتق   360 عبدا

وتصدق ب 360 دينار
وفرج عن 360 مغموما

وبمجرد أن قال رسول الله (صلى الله عليه واله وسلم) الحديث نزل  جبرائيل (عليه السلام) وقال: يا رسول الله أي عبد من عبيد الله سبحانه وتعالى أو أي أحد من أمتك يا محمد قرأ الدعاء ولو مرة واحدة في العمر بحرمتي و جلالي ضمنت له سبعة أشياء :

رفعت عنه الفقر

أمنته من سؤال منكر و نكير

أمررته على الصراط

حفظته من موت الفجأة

حرمت عليه دخول النار

حفظته من ضغطة القبر

حفظته من غضب السلطان الجائر والظالم

الدعاء:

لا اله إلا الله الجليل الجبار لا اله إلا الله الواحد القهار,

لا اله إلا الله الكريم الستار لا اله إلا الله الكبير المتعال, لا اله إلا الله وحده لا شريك له إلها واحدا ربا وشاهدا أحدا وصمدا ونحن له مسلمون, لا اله إلا الله وحده لا شريك له إلها واحدا ربا وشاهدا أحدا وصمدا ونحن له عابدون لا اله إلا الله وحده لا شريك له إلها واحدا ربا وشاهدا أحدا وصمدا ونحن له قانتون, لا اله إلا الله وحده لا شريك له إلها واحدا ربا وشاهدا أحدا وصمدا ونحن له صابرون, لا اله إلا الله محمد رسول الله , اللهم إليك فوضت أمري وعليك توكلت يا أرحم الراحمين

أنشرها  حتى لاتحرم أحبابك أجره

ايييييييييييييه دنيا

دنيا غرورة يا سيد احمد

صباح الفل ع الكل:)

ايه الاخبار .. كيفكم شباب عاملين ايه

عايز افضفض انهاردة عن حاجه كده حصلت و بتحصل عادى يعنى

ايه اللى حصل

يعنى ف العادى و بقول ف العادى لما اروح لو معايا حبيبه قلبى زقزقوقة my favorite car

بيكون الوضع عادى و الامن مستتب لكن ….. و كلمة لكن بتغير لو مروح بقى مواصلات فى العادى الواحد يقف من ساعة ل اتنين عشان يركب مش هى دى المشكل المشكل فى اثناء الانتظار و خصوصا انى مبحبش الانتظار ده خالص فبتمشى و اقعد اكلم صحابى بتوع زمان ايام ابتدائى و اعدادى

و اقعد اتصل ان حد يرد مفيش او يقولى خارج نطاق الخدمة او ربما يكون مشنوقا او محروقا او الكلام ده

فى الاخر بتخنق و اقفل الموبايل و ابقى عايز احدفه الناحيه التانية بس بقول لحسن يجى فى وش سواق و بعدين الموبايل يجراله حاجه اروح اقول للموبايل ادخل مضيقنيشخليك ف جيبى بقى خلاص اتخنقت

من خارج نطاق الخدمة ديه مش عارف فى ايه … يعنى حاجه بجد تحرق الدم انك تتصل بحد و تليفونه يرن لحد ما يخلص و هو ميردش او خارج نطاق الخدمة و الحكاية ديه ممكن تقولو عادى الواحد ساعات بيقفل الموبايل مش مشكل لكن انك تتصل بيه فى اى وقت يكون خارج الخدمة يعنى غالبا حرقة و جاب نمرة جديدة :)  طب لول مش يقول و لا ايه

و الله زمان ايام مكنش فيه موبايل اصلا

كانت الحياة زى الفل

ماله تليفون البيت و لا حتى ميناتل او السنترال اللى على اول الشارع

مليش دعوة بقى عايز موبايل و هعمله خارج نطاق الخدمة

يارب يارب يارب

اللهم اجعل كل تليفونات العالم خارج نطاق الخدمة و فى نفس الوقت و فى نفس اللحظة

اللهم آميييييييييييييييييييييييييين آمين آمين

يالا بقى عشان محدش يعرف يتصل بحد او سبت او اتنين او خميس و جمعه بقى

-

-

-

-

-

حياة غريبة مليانة حاجات و حاجات

فى موقع كتب حلو قابلته ع النت الايام اللى فاتت

http://start4xp.googlepages.com/

و الموقع ده برده مليان كتب

http://www.scribd.com/

يعنى حاجه حلوة لو حابب تشوف كتاب معين او ترفع كتاب عندك عشان غيرك يستفيد بيه و خصوصا لما تكون عامل ده لوجه الله الكريم عز و جل

يالا اسيبكم و للـ

حديث بقية ما دام فى العمر بقية

عايز افضفض انهارده و اسئل عمرك فكرت تبقى زمالكوى

ايه يا عم السؤال التعبان ده

ناس كتير فى مصر و بره مصر زملكاوية ابويا مثلا زملكاوى

طب امال ايه

معلش يا ناس اصلى شفت واحد كبير بعد اخر ماتش بدون ذكر اسماء الفرق ” الاسماعيلى ”

واحد عجوز او شعره ابيض المهم راجل دمه محروق بجد و بيصرخ هو عايز يمشى بدون ذكر اسماء لاعيبه ” هانى سعيد ” يمشى

يمشى بس فيه ايه و يقول للمقدم مش هروح مش هروح هيعيرونا برغم انهم اتعادلوا بس لعبوا طبعا مش هنجيب سيرة اسماء “الاهلى ” الراجل سببلى حيره يعنى واحد زى اهلاوى و لما خدوا بطولة افريقيا الاخيرة قلت ايه يعنى اللى حصل لا جديد فزنا بيها 3 مرات من اصل 4 نهائيات و الجمهور  موزعوش عليه حاجه    .. يعنى هيوزعوا ايه لول

المهم الراجل ده فى زييييه كتييييييييييير و محروق دمهم بجد لان الزمالك كان زمان بيفرحهم و يسعدهم و بيجبلهم انتصارات و لاعيبه و اداء جميل مدرسة الفن و الهندسة امال حصل ايه فيه ايه حتى عنى بضيع وقتى و اكتب الكلام ده ليه

يا جماعة متنتظروش منهم حاجه السنة ديه ولا السنة الجاية كمان يمكن بعدها اصبروا و اكيد انتوا اتعلمتوا الصبر او اتعلموه اكتر مش هى المشكلة بس الفرقة الاعيبه يعنى فيهم حاجه غلط فى بعض لازم الفرقه كلهم يتم تسريحهم خلاص بقى مفيش كبير و العك ده و يتم تصعيد فريق الشباب من ابناء النادى يلعبوا كل الماتشات الباقية و خلال الموسم ده و الحالى و بعد تطعيمهم بكام لاعيب من الكبار فى الدورى نشوف منهم نتايج بقى بعد كده و طبعا نمشى الراجل اللى اسمه مدير فنى ده شغله واحد مصرى ابن من ابناء الزمالك بجد زى المعلم كده

دماغه كورة و فاهم و حابب اللى بيعمله مش شعارات

بجد ربنا معاهم و يصبرهم او يقدرهم ع الصبر

قلوب العباد بين يدى الرحمن

يقلبها كيفما شاء

يا مقلب القلوب

ثبت قلبى على

ذكرك و شكرك و حسن عبادتك

اللهم لك الحمد و الشكر الجزيل

على نعمك التى لا تعد ولا تحصى

اللهم علمنا و انفعنا بما علمتنا

و اهدينا و اهدى بنا

و ارزقنا حبك و حبك من يحبك

و حبب الينا كل قول و عمل يقربنا من حبك

اللهم وفقنا لما تحبه وترضاه

يارب العالمين

اللهم آميييييييين آمين آمين

و كل سنة و انتم جميعا طيبين