مش عارف مش بكتب ليه و اكتب ايه
مش عارف بجد بعد موضوع حب الله مليش نفس اكتب فى اى حاجه تانية
برغم ان فى حاجات كتير حصلت
احنا مفتقدين الحب فعلا
قابلت ناس كتير و اتكلمت مع ناس برده و كلهم عايشين هائمين على وجهوهم بدون ملامح
ملامح المحب للحياة و قدر الله اللى ربنا كاتبه لكل واحد فينا
احنا اد ايه محتاجين الحب و حب الله هو الحب الحقيقى و اعظم حب فعلا
ولاد و بنات رجال و ستات كبار و صغيرين كلنا محتاجين الحب
اغانى و برامج كتير و مشاعر و احتفالات
هل فعلا لقينا الحب
فى ناس بتحب الحب للحب فاهمه و عارفاه و عيشاه مع كل اللى حواليها و لا مجرد كلام و اشعار و مش حاسين باى حاجه
و ازاى نحب ربنا بجد و يبان ده فينا فى الناس اللى حوالينا و تعاملاتنا معاهم و حبنا للحياة و مرضاه الله
عن نفسى محتار و تايه مش راسى على بر يمكن زى كل حد مريت بمشاعر حلوة و جميلة
بس اكيد مش هو ده الحب اللى كلنا بندور عليه
مفيش كلام الاغانى و العصافير و البرامج و كل اللى بيتقال عن
الحب لانه ببساطه … امممم
ادراك و احساس و مشاعر و مسئوليه و خوف و اكيد اكيد احترام متبادل دون تفكير
حنان و امان و احساس بلحظات دفء و حنية و طبطبة و مسحه الدمعه من ع الخد
رضا عيوب الاخر قبل ميزاته و قبوله زى ما تقبل نفسك
بحبكو ف الله
بجد بحب حاجات كتير فى الدنيا و نفسى الاقى نفسى فى حبك يارب
يارب ارزقنى حبك و حب من يحبك و حبب الى كل قول و فعل يقربنى من حبك
يارب العالمين
اللهم امين امين امين