انا .. و انت .. و الايام … لسه الحياة قدامكن رجلا بالف رجل .. فان لم تستطع فكن رجلا … حسام ابو تريكة

كل سنة و انتم طيبيين و رمضان كريم اعاده الله عليكم بالخير و اليمن و البركات

و ابعد الله عنكم الفضائيات و التلفيزيون و جعلكم الله اتقى و فى اعمالكم اقرب الى الله سبحانه و تعالى

مش عارف دخلت عشان اكتب شعار المرحلة اللى بقى خلاص كل مكان و كل اعلان هو المكتوب و هو الاول

مفيش حاجه حصرى .. كله على التليفزيون المصرى

هو ايه يا جدعان الحصرى و المصرى و العك ده

يعنى صيف و مارينا و رمضان و مدارس و ازمة ماليه و اسعار و الشباب و البنات و  وقف الحال

شغل مفيش و جواز مفيش و حياة الحمد لله

خلاص بقى الازمة كلها فى الحصرى و المصرى

لا حول ولا قوة الا ب الله

رمضان كريم .. وبمناسبة الشهر الكريم نتمنى جميعا أن نصل الى حل على الأقل في مشكلة البث علشان نعرف أحنا حنتفرج على المسلسلات المملة .. ولا البرامج التافهة .. ولا حنحرق دمنا في الكورة .. ولا حنقضيها قطايف وكنافة !!

من يوميات مواطن مفروس ل هيثم على يلاكورة

و من هنا من فضفضة بقوله  هو فى احلى من الكنافة و القطايف

House of Saddam

عندما يقرر الحاكم انه الاله ماذا يفعل المحكوم عليه بذلك  ؟؟؟

رايت المسلسل القصير 4 حلقات فقط المسمى منزل صدام  المنتج و المعد من قبل ال bbc

و يروى الحقبة من عام 1979 الى عام 2003 غزو امريكا على العراق

…

كل سنة وانتم طيبين و … عايز اقول كل الامنيات الطيبة طبعا

بس فى شوية كلام محبوس جوايا عايز يصرخ

يخرج يشوف النور

يشق الحجر يتنفس

يعيش ويقول بكل احساس

يمكن فى منه صح ولا غلط

مش هو الاساس

مين يسمع آنينى غير طبيبى

خالقنى و واهبنى الحياة

يارب يا سامع كلامى من غير كلام

يارب بقولك بكل خلية فيا

يارب انت طبيبى و مداوينى

اهدينى و ارزقنى الحلال

وفقنى و ارشدنى للسلام النفسى و الامان

علمنى دينى و انفعنى بيه  و علمنى اللى ينفعنى

يارب قربنى ليك و عرفنى بيك اكتر و اكتر

و خلى حياتى ليك و لحبك و قربك

يارب باحمدك كل يوم على الحياة اللى انعمت عليا بيها

و فى اخر اليوم بقولك يارب احفظنى و ارحمنى انت خير الراحمين

رسينى على بر يارب اهدينى للطريق

وفقنى و وفق كل المسلمين

يارب كل واحد فينا نفسه يلاقى السلام جواه و سائد ف العالم

يارب يسر لى ما خلقت له

يارب يسرنى لما خلقتنى له

يارب يسر لى طريقى ف الحياة

يارب نجنى من فتن الحياة

قوينى على نفسى

اعنى عليها و على هواها

و على شيطانى يارب اعنى

يارب رقق قلبى بالايمان

و اجعلنى عطوف رحيم بامى

سند لابى ظهر لاختى

وفقنى لما تحبه و ترضاه ياربى

ياااااااااااااه فضفضة شوية ليك يا رب

تقبل منى بما انت اهله ليس بما انا اهله

يارب اجعلنا تائبين لك طائعين لك مستغفرين لك

و اجعل رمضان كله طاعة لك

يارب

و كل امة حبيبك

محمد

صلى الله عليه و على آله و سلم