انا .. و انت .. و الايام … لسه الحياة قدامكن رجلا بالف رجل .. فان لم تستطع فكن رجلا … حسام ابو تريكة

بسم الله يا بشر

هفضفض انهارده عن كورساتى اللى اخدتها ف حياتى و ده طبعا مش حكر لاى حد ولا برده اى حد يقدر ياخد كورسات للاسف

حتى لو منحه مجانى لكن فى شرط او اكتر دايما يا غالى

يعنى لازم تعديها سواء امتحانات او مقابلات او تقييمات المهم ابوك السقا مات

المهم حابب احكى عن كورساتى اللى اخدتها ف حياتى و هبدء باخر كورس

كورس فريق بداية و احلى بداية

و احلى حاجه فى الكورس انه كان فى رمضان و جو رمضانى جميل جدا كان كله حب و جمال و طاقة و تحفيز

و ان شاء الله فى توبيكات بعنوان كورساتى هنتكلم عن كل كورس و الجديد و ان شاء الله لحد ما اموت هفضل اتعلم و اخد كورسات

و اكيد فى اللى هستفيد منه بنسبة كبيرة و فى اللى مش هحس بافاده كبيره منه فى وقته لكن بجد كل الكورسات فرقت و شكلت جزء منى كبير اوى فى حياتى

سلام عليكم

يااااه اول محاضرة حقيقة ليا عن التحفيز الذاتى اتكلمت لحد ما ريقى نشف و حاولت اضحك بس بصراحة مش عارف ليه كانت بعيده عنى شوية

بس المهم كانت محاضرة جميلة و بديتها باسم الله و دعاء و آية من كتاب الله و تعليق عن الفريق انى كنت مكانهم فى يوم من الايام و بستمتع بالالتزام و القواعد و التدريب و كل الحاجات دى و استفدت اكتر حاجه بروح فريق العمل

و اتعرفت عليهم فى ناس اعرفها و قلت اسمائها و الباقى اتعرفت بس بسرعة مش عارف كانت حاسس انى مش هاخد 10 دقائق لكن الوقت كان بيجرى ورايا و خصوصا الدكتور و مستر مكروم كانوا عايزينى اخلص و اتكلمت عن التحفيز و عملت مقدمة بسيطة احنا ليه بنتكلم عليه انهارده و هنقول ايه عنه حسيت ان الكلام كله بيتكب على نافوخى و عايز اقوله كنت محتاج نفس و ريقى نشف و الوقت كان بيجرى و رايا كويس حسيت الناس استفادوا اكير عندى اكتر و اكيد فى اكتر بس لو واحد او اتنين او تلاتة استفادوا فده كويس و نجاح لحد كبير و الحمد لله

اتفرجوا على الفيلم و اتعلموا حاجه اكيد و خليتهم يعملوا نشاط و يسلموا على بعض و هما مبتسمين و ده كان فى الختام عشان يكون حاجه جميلة اقفل بيها و قفلت المحاضرة صح انى راجعت كل اللى اخدناه و شكرت الناس كلهم و فريقى بالخصوص

الحمد لله

كل سنة و انت طيب يا دكتور و عقبال مليون سنة و تفرح ب سما امورتك الجميلة و هى عروسه و تشوف ولادها و اولاد اولادها