انا و انت و الايام فى 2010 .. شكل تانى
Filed Under (فضفضة) by حسام ابو تريكة on 16-02-2010
المخرج …
هو عمل رائع بلا شك و كونك مخرج فيلم حياتك هو فى حد ذاته ابداع منحك اياه الله سبحانه و تعالى
فماذا انت فاعل ..فى فيلمك ليخرج بصورة تترك بصمه و اثر فى كل من حولك و كل من ياتى بعدك
اولا اختيار الطريق ” خط الفيلم الاساسى ” و طبعا انت هتكون بطل فيلمك
هتكون بطل بجد و الناس تتعاطف معاك و تصقف لك ولا هتكون بطل اى كلام و فيلم اونطه او بمعنى ادق حياه اونطه و انت الخاسر الوحيد …
الناس اللى هتشارك معاك فى الفيلم انت ممكن تتطرد اى حد من حياتك و بالتالى من فيلمك لو انت مش عايز يكون له تاثير على حياتك و في فيلمك مش عايز له وجود …
هتخلى فى ابطال معاك تانى ولا انت البطل الوحيد و كل اللى معاك مساعدين او اى ان كان المسمى …
فيلم هيكون اكشن و لا عاطفى و لا اجتماعى لكل الناس … شوف انت حياتك ماشية ازاى و انت عايز تكملها ازاى
اسم الفيلم .. و ده علامه فى حد ذاته لازم يكون اسم له معنى و قيمه و يشد الناس او تتذكره دايما بمعظم احداث الفيلم
……….
دلوقتى انت مخرج حياتك .. ناوى تعمل ايه فى عمرك و فيلمك لحد مماتك
حط خط او اتنين او اكتر و امشى و اسعى و شوف هتكمل فى ايه
لسه الوقت معاك و الحياة قدامك
اعمل لحياتك كانك تعيش ابدا .. و اعمل كل اللى فى نفسك
و اعمل لاخرتك كانك تموت غدا .. و اتقى ربك فيك و فى اللى حواليك و فى كل اللى بتعمله فى فيلمك ” حياتك ”
…
و ما الدنيا الا مسرح كبير .. و كلنا ممثلين فى افلام متشابكه متعدده و متطابقة مختلفه او … ما علينا
اكشن
ابدء حياتك .. و عيش فيلمك زى ما تحب …